Fagmennska - virðing - umhyggja
Borg útfararþjónusta var stofnuð í ársbyrjun 2020. Þjónustusvæði er Vesturland og höfuðborgarsvæðið, svo og annars staðar eftir samkomulagi. Eigendur og umsjónaraðilar útfara eru Guðný Bjarnadóttir og Gréta Björgvinsdóttir.
​
Við skipulagningu útfarar er að mörgu að huga og mikilvægt að hlúð sé vel að óskum aðstandenda.
Við styðjum og hjálpum við skipulagningu og önnumst alla þætti útfarar -sem hver er einstök og tekur mið af óskum ástvina.
​
Borg útfararþjónusta veitir alhliða þjónustu við syrgjendur óháð trúarbrögðum og lífsskoðunum.
​
Við leggjum áherslu á persónulega og faglega þjónustu við undirbúning og framkvæmd útfarar.
Í samráði við aðstandendur og heilbrigðisstarfsfólk sér útfararþjónustan um flutning hins látna í líkhús.
​
Borg útfararþjónusta hefur öll tilskilin leyfi til útfararþjónustu. Starfsmenn undirrita siðareglur sem gilda fyrir útfararstofnanir í Evrópu og eru bundnir þagnarskyldu í störfum sínum.
​
​
​
Guðný Bjarnadóttir
Sími: 869 7522
Bakgrunnur og menntun:
Er hjúkrunarfræðingur, ljósmóðir og djákni.
Hefur starfað víða í heilbrigðiskerfinu m.a á
Akranesi, Reykjavík og Vestmannaeyjum
Gréta Björgvinsdóttir
Sími: 770 0188
Bakgrunnur og menntun:
Lærður hársnyrtir og leirsmiður.
Aðaláhersla á fjölskyldu og uppeldi barna.
Margvísleg önnur reynsla t.d útfararþjónusta
Verðskrá
Verðin eru leiðbeinandi og margt í boði hvort sem um kistur eða blómaskreytingar eða annað er að ræða sem til þarf. Íslenski fáninn er einnig valkostur á kistu í stað blóma, hann leggjum við til að kostnaðarlausu.Í samtölum er farið yfir óskir aðstandenda og skipulag miðað eftir þeim. Hafa ber í huga að margar leiðir eru færar og aðstoðum við aðstandendur að fylgja sínum óskum. Sé eftir því óskað, sjáum við um tilkynningar í fjölmiðla, útvegum streymi, sal og veitingar fyrir erfi, svo dæmi séu tekin.
Við höfum einnig mjög fjölbreytt tónlistarfólk á okkar snærum.
Rétt er að taka fram að við þjónustum víða, bæði í borg og bæjum. Erum lausnarmiðaðar, útsjónarsamar og leggjum ríka áherslu á að veita góða þjónustu.
​
Ekki er greitt umsýslugjald fyrir kistur, blóm, tónlistarfólk eða streymisveitur
en flutningskostnaður bætist við vörur sé útför utan höfuðborgarinnar.
Útfararþjónusta og tónlistarfólk er undanskilið virðisaukaskatti.
​
​
​
Hverju þarf að huga að?
Athöfnin
Aðstandendur velja þann sem þau óska að taki að sér útförina:
prest, athafnastjóra eða forstöðumann trúfélags.
Staður og stund
Í samráði við prest/athafnastjóra eða forstöðumann trúfélags er staður og stund fyrir kistulagningarbæn og útför ákveðin.
Kista eða ker
Borg útfararþjónusta annast bæði jarðarfarir og bálfarir.
Borg býður upp á gott úrval af kistum og kerjum.